Uchdan Keyin Kech

Description

Ushbu kitob muallifi Masaru Ibukaning ta'kidlashicha, barcha yosh bolalar noyob qobiliyat egasi hisoblanishadi. U yangi tugʻilgan chaqaloqlarga muhitning ta'siri juda katta ekani haqida mulohaza yuritib, bolalarning erta rivojlanishi borasida oddiy va tushunarli usullarni taklif etadi. Muallifning fikricha, yoshi kattalar mashaqqat bilan egallaydigan koʻnikmalarni bolakaylar o'ynagan holatda o'zlashtiradilar. Bu jarayondagi eng muhim narsa - bola hayotiga yangi tajribani o'z vaqtida kiritishdir. Kichkintoy bilan doim yonma-yon boʻlgan insongina ana shu vaqtni payqay oladi. Kitob o'z farzandlariga yangi va ajoyib imkoniyatlar eshigini ochishni istagan barcha ota-onalar uchun mo'ljallangan.

Kirish

Qadim zamonlardan buyon noyob qobiliyat, eng
avvalo, irsiy, tabiat in'omi deb hisoblanadi. Bizga:
“Motsart uch yoshida pianino chalgan” yoki “Jon
Styuart Mill lotin tilidagi mumtoz adabiyotlarni
ham aynan shu yoshda oʻqigan”, — desalar, koʻp-
chiligimiz oddiygina: “Albatta, axir ular daho-ku”, deb qoʻya qolamiz.

Ammo Motsart va Millning goʻdaklik chogʻidagi
hayoti borasida olib borilgan chuqur tahlillardan
ma'lum boʻlishicha, ularning otalari oʻz farzandlari
buyuk shaxs sifatida kamol topishi uchun natija-
li tarbiya usullaridan foydalanganlar. Mening fik-
rimcha, Motsart ham, Mill ham daho boʻlib dunyo-
ga kelmagan. Ularning qobiliyati go'daklikdanoq
yaratilgan qulay shart-sharoit va berilgan samarali
ta'limdan toʻliq rivojlandi.